والله العظيم ان بقيت اكره الكمبيوتر وخصوصا النت علشان الحرية اللى الناس بتتكلم بيها بقت حاجة تقرف كل الناس بتشتم فى بعض المسلمين فى المسحيين والمسحيين فى المسلمين واليهود كمان والشيعة فى السنة والعكس المصريين فى الجنسيات الاخرى والعكس وهكذا تفتكروا هوا النت علشان كدة ولا الشات ده قصة و موال اخر تدخل حجرة مثلا تلاقى واحد طالب واحدة على الخاص وكاتب كل المواصفات المطلوبة بمنهى قلة الادب وتفاصيل قذرة عنها وكمان واحد عاوز واحد سالب والله العظيم ما اعرف يعنى ايه كدة  ولما حد يقول له عيب كدة اتفرج بقى على الشتيمة و السفالة اللى تلاقيها على الشاشة دة غيربقى لو  حد كلمك ويبدأ معاك يا سلام فى منتهى الادب وبعد شوية برضه بمنتهى الادب يسأل عن حياتك الخاصة جدا يعنى عاوز يدخل حجرة نومى كمان والله انا مش عارفة اهالى العيال دول فين وازاى سايبنهم كدة  ولا هوا فى ايه بالظبط انا خلاص اتخنأت من النت الجديد بقى ان فى واحد بيقرأ المدونة بتاعتى ولما شافنى على النت قعد يكلمنى و يكتب اسمى ويقول عن الحاجات اللى بكتبها فى المدونة قولولى اعمل بقى